Hraunavinir óska landsmönnum gleðilegra jóla og gæfuríks nýs árs.

Þann 18. desember voru fulltrúar Hraunavina boðaðir á fund með bæjarráðum Garðabæjar og Álftaness um nýjan Álftanesveg og verndun Gálgahrauns. Á fundinn mættu þeir: Eiður S. Guðnason, Gunnsteinn Ólafsson, Ingvar Arnarsson og Reynir Ingibjartsson úr stjórn Hraunavina, auk þeirra Lovísu Ásbjörnsdóttur og Sigmundar Einarssonar sem starfa hjá Náttúrufræðistofnun Íslands í Garðabæ. read more »

Á borgarafundi Hraunavina fimmtudaginn  29. nóvember 2012 í Kirkjuhvoli, safnaðarheimili Vídaílnskirkju, létu margir  svolítið af hendi  rakna  til félagsins því sjóður þess er nánast  tæmdur vegna kostnaðar  við  kynningu á fundinum.  Þeir sem ekki voru  með   reiðufé  spurðu um bankareikning  félagsins. Hann er 0546-26-210220 og kennitala félagsins er 480207-1490.

Allur stuðningur er vel þeginn.

Hraunavinir efna til gönguferðar um Gálgahraun sunnudaginn 2. desember, fyrsta sunnudag í aðventu. Safnast verður saman við innkeyrsluna inn í Prýðahverfi við Álftanesveg kl. 11:00 og gengið að Garðastekk. Á leiðinni verður staldrað við á nokkrum merkum stöðum og sagt frá því helsta sem fyrir augu ber. Öllum er frjálst að mæta og taka þátt í göngunni. Meðal annars verður komið við hjá Kjarvalsklettum en þeir eru á meðal allra merkilegustu fyrirmynda Jóhannesar Kjarvals myndlistarmanns sem kom að þessum klettum á hverju einasta ári í rúmlega 20 ár og málaði þar fjölmörg málverk sem eru til víða um landið. Nokkur málverk frá þessum stað eru í eigu erlendra safna, þjóðhöfðingja og listaverkasafnara. read more »